सातारा
सताऱ्या मधील राजकारण कधी कोणते वळण घेईल सांगता येत नाही.भाजपचे आमदार शिवेंद्रराजे भोसले (Shivendraraje) यांनी राष्ट्रवादी काँग्रेसचे अध्यक्ष शरद पवार (Sharad Pawar) यांची भेट घेऊन सातारा जिल्हाबँकेच अध्यक्षपद मिळावं अशी इच्छा प्रकट केली असून शरद पवार यांनी शिवेंद्रराजे यांच्या कामाचे कौतुक केले आहे.
राज्यात नुकत्याच पहिल्या टप्प्यातील जिल्हा मध्यवर्ती बँकांच्या निवडणुकांचा (District Bank Election) टप्पा पार पडलाय. सध्या अध्यक्ष निवडींबाबत प्रक्रिया सुरू आहे. या पार्श्वभूमीवर शिवेंद्रराजे भोसले यांनी सिल्वर ओक येथे शरद पवार यांची भेट घेऊन अध्यक्षपदाबाबत आपली भूमिका मांडली आहे. मात्र राष्ट्रवादीचे नेते शशिकांत शिंदे यांच्या पराभवानंतर साताऱ्यामध्ये जे नाट्य घडले त्यामुळे आता शरद पवार काय निर्णय घेतात याकडे सर्वांचे लक्ष लागले आहे.
