अहिल्यानगर दिनांक २१ सप्टेंबर
केडगावच्य रेणुका माता मंदिरात नवरात्री निमित्त सोमवारी विधीवत पूजा करून घटस्थापना होणार आहे. नगर शहराचे श्रद्धास्थान असलेल्या केडगावच्या रेणुका माता मंदिरात नवरात्रात देवीच्या दर्शनासाठी मोठी गर्दी होते. नवरात्राच्या पहिल्या दिवशी सकाळी ६ ते ७ श्री सुक्त पारायण, अभिषेक करण्यात येणार असून . त्यानंतर महापूजा होऊन सकाळी ८ वाजता विजय सुंबे व मोहिनी सुंबे यांच्या हस्ते घटस्थापना करण्यात येणार आहे. सकाळी आठ ते नऊ यावेळेत अलंकार पूजा व त्यानंतर नैवेद्य व कर्पूर आरती झाली ध्वज पूजन होऊन नऊ वाजता पारंपरिक आरती होऊन नवरात्राला प्रारंभ होईल. दरवर्षी वाढत जाणाºया गर्दीमुळे यावर्षीही देवीच्या स्वयंभू तांदळ्याचे दर्शन घेण्यासाठी स्त्री व पुरूष यांच्या स्वतंत्र दर्शन रांगांची व्यवस्था करण्यात आली आहे. तसेच मुखदर्शनाची दरवर्षीप्रमाणे व्यवस्था करण्यात आली आहे.
दरवर्षीप्रमाणे केडगाव उपनगर मधील भाविकांना पूजेचा मान दिला जातो त्याप्रमाणे यावर्षी सुंबे कुटुंबियांना मिळाला असल्यामुळे त्यांच्या अनेक वर्षांच्या देवीचा सेवेचा आशीर्वाद त्यांच्या मागे असून त्यांच्या हातून ही पूजा संपन्न होत असल्याने केडगावकरांना आनंद होत असून सर्व भक्तांनी उद्या उपस्थित राहावे असे आवाहन माजी नगरसेवक अमोल येवले यांनी केले आहे.
