अहिल्यानगर दिनांक 26 ऑक्टोबर
विधानसभा निवडणुकीसाठी नगर शहर मतदारसंघातून महाविकास आघाडी कडून कोण उमेदवार असणार याबाबत गेल्या अनेक दिवसांची उत्कंठा आता संपली असून महाविकास आघाडीच्या वतीने राष्ट्रवादी काँग्रेस शरदचंद्र पवार पक्षाचे अभिषेक कळमकर यांना उमेदवारी जाहीर करण्यात आली आहे. जयंत पाटील यांनी पत्रकार परिषदेत ही माहिती दिली असून राष्ट्रवादी काँग्रेस शरदचंद्र पवार गटाची ही दुसरी यादी जाहीर झाली या यादीमध्ये अहिल्यानगर जिल्ह्यातील नगर शहर मतदार संघाचे विधानसभेचे उमेदवार म्हणून अभिषेक कळमकर यांचे नाव आता अंतिम झाले आहे.
महायुतीमध्ये ही जागा कोणाकडे जाणार याबाबत अनेक चर्चा होत्या श्रीगोंदा आणि नगर मतदार संघाबाबत मोठा संभ्रम होता मात्र श्रीगोंदा मतदारसंघात शिवसेना उद्धव बाळासाहेब ठाकरे गटाने आपला उमेदवार जाहीर केल्यानंतर नगर शहर मतदारसंघात राष्ट्रवादी काँग्रेस शरदचंद्र पवार याच पक्षाचा उमेदवार राहील असा अंदाज आला होता मात्र उमेदवार कोण राहील याबाबत प्रत्येकाला उत्कंठा होती अखेर माजी आमदार दादाभाऊ कळमकर यांची पुतणे अभिषेक कळमकर यांना उमेदवारी जाहीर झाली आहे.
