अहमदनगर दि.२८ सप्टेंबर
अहमदनगर जिल्ह्यात आगामी सण उत्सवाच्या पार्श्वभूमीवर जिल्हाधिकारी डॉ.राजेंद्र भोसले यांनी 1 ऑक्टोबर ते 10 ऑक्टोबर दरम्यान अहमदनगर शहरासह संपूर्ण जिल्ह्यात जमाबंदी आदेश जारी केला आहे. काय आहे आदेश पाहुयात
अहमदनगर जिल्ह्यात शहरी व ग्रामीण भागात दिनांक 01 ऑक्टोबर ते 15 ऑक्टोबर या कालावधीत विविध धर्माचे सण उत्सव साजरे होणार आहेत. उत्सव साजरे करताना1 अनुचित प्रकार घडण्याची शक्यता नाकारता येत नाही. तसेच निषेध, निषेधाच्या घटना चालू असून, नेत्यांची कार्यालये तोडफोडीच्या घटना चालू असून, प्रतिकात्मक पुतळयांच्या दहन, जोड़े मारो आंदोलन इत्यादीमुळे सार्वजनिक शांतता बिघडण्याची दाट शक्यता नाकारता येत नाही. जिल्हयात सार्वजनिक शांतता आणि सार्वजनिक सुरक्षितता राखण्यासाठी संपूर्ण अहमदनगर जिल्हात महाराष्ट्र पोलीस अधिनियम चे कलम 37 (1) चे प्रतिबंधात्मक आदेश जारी करण्यात येत आहे. कालावधीत कोणाही इसमास खालील कृत्ये करण्यास मनाई करीत आहे. शस्त्रे, सोटे, तलवारी, भाले, दंडुके, बंदुका, सुरे, काठया किंवा लाठया किंवा शारीरिक इजा करण्यासाठी वापरता येईल अशी कोणतीही वस्तू जवळ बाळगणे. कोणताही दाहक पदार्थ किंवा स्फोटक पदार्थ जवळ बाळगणे,दगड किंवा इतर क्षेपणास्त्रे, किंवा क्षेपणास्त्रे सोडावयाची किंवा फेकावयाची उपकरणे किंवा साधने जवळ बाळगणे, जमा करणे किंवा तयार करणे, व्यक्तींचे अथवा मृतदेहांचे किंवा त्यांच्या आकृत्या किंवा प्रतिमा यांचे प्रदर्शन करणे.अशा प्राधिका-याच्या मते ज्यामुळे सभ्यता अगर नीतिमत्ता यास धक्का पोचेल अशी किंवा राज्याची सुरक्षितता धोक्यात येईल किंवा ज्यामध्ये राज्य उलथवून टाकण्याची प्रवृत्ती दिसून येत असेल अशी आवेशपूर्ण भाषणे करणे, अंगविक्षेप करणे, किंवा विडंबन करणे आणि अशी चित्रे, चिन्हे, फलक किंवा इतर कोणताही जिन्नस किंवा वस्तू तयार करणे, त्यांचे प्रदर्शन करणे किंवा त्यांचा प्रसार करणे.यावर प्रतिबंध करण्यात आला आहे.
हा आदेश अहमदनगर जिल्ह्याच्या हद्दीत 29/09/2022 ते दि. 10/10/2022 या कालावधीत जारी राहील.
