अहमदनगर दि .५ जानेवारी
मकरसंक्रांतीचा सण जवळ आल्याने पतंग व मांज्याच्या
विक्रीने जोर पकडला आहे.चायना मांज्यावर बंदी
असतानाही त्याची सर्रास विक्री केली जाते. त्यामुळे शहरातून फिरताना सामान्य नागरिकांना अनेक अपघातांना नेहमीच सामोरे जावे लागते.चायना मांजा सहजा सहजी तुटत नसल्याने असा मांजा आडवा आला तर थेट गंभीर इजा होते.
महापालिका प्रशासन काही मांजा विक्री करणाऱ्या दुकानावर जाऊन चायना मांजा जप्त करतात व त्याची होळी करतात मात्र महानगरपालिकेच्या अधिकार्‍यांची पाठ फिरताच पुन्हा चायना मांजा सर्रास विक्री केला जातो. त्यामुळे किरकोळ दंड न करता अशा विक्रेत्यांवर मोठा आर्थिक दंड आणि कायदेशीर कारवाई केली तरच असे चोरीछुपे मांजा विकणाऱ्यांवर जरब बसेल अशी मागणी नागरिकांमधून होत आहे.
