अहमदनगर दि.२६ डिसेंबर
अहमदनगर शहरातील स्टेशन रोड आगरकर मळा,गाडळकर मळा ,विद्या कॉलनी,आशा चार ठिकाणी पहाटेच्या सुमारास दरोडेखोरांनी धुमाकूळ घालून चार ठिकाणी दरोडे घातल्याची माहिती समोर आली आहे.
अहमदनगर शहरातील कोतवाली पोलीस स्टेशनच्या हद्दीतील हा प्रकार असून स्टेशन रोडवरील आगरकर मळा तसेच गाडळकर मळा आशा चार ठिकाणी सहा दरोडेखोरांनी चार घरातून दहा ते बारा तोळे सोने चांदीच्या दागिन्यांसह रोख रक्कम चोरून नेल्याची प्राथमिक माहिती मिळाली असून रात्री दोनच्या सुमारास पोलिसांना ही माहिती कळताच कोतवाली पोलिसांनी आगरकर मळा गाडळकर मळा येथे धाव घेतली होती. पोलिसांनी या दरोडेखोरांचा तपास सुरू केला असून काही भागातील सीसीटीव्ही पोलिसांनी ताब्यात घेतले आहेत. या दरोडेखोरांच्या हातात धारदार हत्यारे असल्याची माहिती मिळाली आहे.
