अहिल्यानगर दिनांक २० ऑक्टोंबर
कोरोना काळात मर्जी विरुध्द अॅडमीट करुन घेणे त्या ठिकाणी रुग्णाच्या जीवितास धोका होईल याची माहिती असताना सुधा अतिरिक्त जास्तीचा औषधाचा ढोस देऊन जिवीतास धोका निर्माण होईल असे कृत्य करणे, अवाजवी अवास्तव बिल रक्कम आकारणे, शरीराच्या अवयवाची तस्करी व पुरावे नष्ठ करण्याच्या उद्देशाने प्रेताची परस्पर विल्हेवाट लावणे. अशा प्रकारच्या आरोपाखाली अहिल्यानगरच्या तोफखाना पोलिस ठाण्यात अशोक खोकराळे यांच्या फिर्यादी वरुण डॉ. गोपाळ बहुरुपी, डॉ. सुधिर बोरकर, डॉ. मुकुंद तांदळे, डॉ. अक्षयदीप झावरे पाटील, डॉ. सचिन पांडुळे, आणि डॉ. विखे पाटील मेमोरिअल हॉस्पीटल मधील पॅथॉलॉजिकल लॅबचे तज्ञ डॉक्टर अज्ञात कर्मचाऱ्यांवर गुन्हा दाखल करण्यात आला आहे.
कोरोना काळात अशोक खोकराळे यांच्या वडिलांना १३ ऑगस्ट 2020 मध्ये केले होते उपचारासाठी दाखल केले होते मात्र वडिलांचा मृत्यू झाला तरी अशोक खोखराळे आणि त्यांच्या यांना याबाबत माहिती दिली नसल्याने आणि पोलिसांनी दाखल न घेतल्याने तेव्हा पासून न्यायालयीन पाठपुरावा सुरू होता.अखेर उच्च न्यायालयाच्या औरंगाबाद खंडपीठाच्या आदेशानंतर तोफखाना पोलीस स्टेशन मध्ये बी एन एस कलम १०१५/२०२५ भा.दं.वि.क.३०४, ३४१, ३४२, ३५२, ४०६, ४२०, ४६३, ४६५, ४६८, ४७१, १९१. १९२, १९६, १९७, १९८, २०१, १२०(ब), २९७ सह मानवी अवयव प्रतिरोपन अधिनियम सन-१९९४ चे कलम १८, १९, २० प्रमाणे, गुन्हा दाखल झाला होता. मात्र या प्रकरणी अद्याप एकही आरोपी पोलिसांनी अटक केलेला नसून. आरोपींना लवकरात लवकर अटक करावी अशी मागणी फिर्यादीच्या वतीने आणि शिवसेना उद्धव बाळासाहेब ठाकरे पक्षाच्या वतीने करण्यात आली आहे.
या प्रकरणातून अटकपूर्व जामीन मिळावा याकरिता आज रविवारी डॉक्टर सुधीर बोरकर आणि डॉक्टर गोपाळ बहुरूपी यांनी आज सुट्टीच्या कोर्टात जमीन अर्ज दाखल केला असून याप्रकरणी आता कोर्टात सुनावणी होणार आहे. मात्र कोर्ट डॉक्टरांना अटकपूर्व जामीन देणार का ? की अर्ज फेटाळून लावणार याकडे आता संपूर्ण वैद्यकीय क्षेत्राचे लक्ष आहे. कारण प्रथमच एवढे मोठे गंभीर आरोप आणि कलम एखाद्या डॉक्टर विरोधात लागल्यामुळे हे प्रकरण आता चांगलेच तापले आहे
