अहमदनगर दि.१४ एप्रिल
अहमदनगर शहरात आज आंबेडकर जयंती निमित्ताने शहरातील अनेक भागात विविध मंडळाच्या वतीने जयंती उत्साहात साजरी करण्यात येत आहे. तर दुपारी चार वाजेनंतर छत्रपती शिवाजी महाराज यांच्या पुतळ्यापासून विविध सार्वजनिक मंडळांची मिरवणूक निघणार असून जवळपास 16 मंडळ या मिरवणूक सहभागी होणार असल्याचा अंदाज पोलिसांनी व्यक्त केला आहे.
या मिरवणूक मार्गावर पोलिसांनी मोठा बंदोबस्त ठेवला असून संपूर्ण मिरवणूक मार्गावर सीसीटीव्ही लावण्यात आले आहेत .तसेच आज निघणाऱ्या मिरवणुकीवर ड्रोन कॅमेरा द्वारे नजर ठेवण्यात येणार असून कोणत्याही अफवांना नागरिकांनी बळी न पडता कोणताही अनुचित प्रकार घडत असेल तर पोलिसांची संपर्क साधावा असे आवाहन शहर पोलीस उपाधीक्षक अमोल भारती यांनी केले आहे.तसेच मिरूणूक मार्गवर अथवा परिसरात कुठे काही संशयित वस्तू किंवा इसम दिसल्यास कोतवाली पोलीस स्टेशन संपर्क साधावा असे आवाहन
पोलीस निरीक्षक प्रताप दराडे यांनी केले आहे.
